Santa Ageda eguna

2001. urtean jaiotakoek egingo dute dantzan.

Aurten, gainera, kopla berriak egin eta kantatuko dituzte.

Usadioa galdu ez dadin
gure herri inguruan
Eskoriatzako kinto guztiok
gabiltza gogoz kantuan
hain egun seinalatuan
eskeko koplak ahuan
garai bateko arbaso zaharrek
egiten zuten moduan.

Nola ez garen ahots on eta
txanpon gehiegiren jabe
jasoko dugun edozerekin
oso eskertuta gaude
emana gutxi bada be
laster eingo dugu alde
baina ez zazu aterik itxi
limosnarik eman gabe.

Egun guztia pasako dugu
kalez-kale atez-ate
beraz eskerrak eman eta laster
goaz hemendik aparte
borondatea ikusi eta
kejarik ez dugu bape
aurrerantzean ederto bizi
agur eta ikusi arte.